بھارتی فوج  نے متنازع علاقے لداخ میں داخلے کی کوشش کی تو چینی فوجیوں نے بھارتیوں فوجیوں کی درگت بنا دی۔ مار مار کر پیچھے دھکیلا اور علاقے میں مورچے بنالیے۔ مودی کے سپاہیوں نے منت سماجت شروع کردی۔

شمالی لداخ میں بھارتی فوج کی شامت  آگئی۔ چینی فوج نے درگت بنادی۔  لائن آف ایکچول کنٹرول عبور کرکے بھارتی فوج کو پسپا کردیا۔

 بھارتی فوجی اپنے ہی علاقے میں چینی فوجیوں  سے منت سماجت کرنے لگے،جانے کا کہتے  رہے اور خود ہی چینی فوجیوں سے ڈر کر بھاگنے پرمجبور ہوگئے۔

چینی فوجیوں نے کئی  بھارتی فوجیوں کو  حراست میں لیکر انکی پٹائی کی۔ کمانڈو میٹنگ کے بعد بھارتی فوجیوں کو رہا کردیا۔

علاقے میں چین نے پانچ ہزار فوجی  بھیج کر بنکرزاور بیرکس قائم کرلئے۔

 فوجی ٹرک اور تعمیرات کا سامان بھی پہنچا دیا گیا۔ لداخ میں چینی فوج سے رسوا ہونے کے بعد بھارت نے خفت مٹانے کیلئے چین سے ملحق اپنی سرحد پر فوجی نقل و حرکت میں اضافہ کردیا۔ بھارت نے اپنے ایئربیس پر چھ سی سیونٹین گلوب ماسٹرز طیارے بھی پہنچا دیئے ہیں۔