پنجاب کے وزیر اطلاعات فیاض الحسن چوہان کا کہنا ہے کہ لاہور، ملتان، راولپنڈی اور گوجرانوالہ میں لاک ڈاون میں نرمی نہ کرنے کی تجاویز وفاق کو بھیجی گئی ہیں۔
میڈیا سے بات چیت میں فیاض الحسن چوہان کا کہنا تھا کہ کورونا کی وجہ سے ماضی کے حکمرانوں کی صحت کے شعبے کی حالت عیاں ہوئی ہے، لیکن شریف خاندان اورنج لائن ٹرینوں کو بنانے کو ہی ترقی کہتے رہے ہیں۔
انہوں نے مزید کہا کہ بلاول زرداری کو اٹھارہویں ترمیم کی روح کا پتہ ہی نہیں،انہیں بس زمینوں پر قبضے اور منِی لانڈرنگ کا علم ہے۔
