پاکستان کی صف اول کی اداکارہ سپر اسٹار ماہرہ خان نے کچھ عرصے کیلئے سوشل میڈیا سے بریک لینے کا اعلان کردیا جبکہ کچھ وقت قبل سوشل میڈیا سے عارضی دوری اختیار کرنے والی اداکارہ مایا علی کی واپسی ہوگئی ہے۔
ماہرہ خان نے گزشتہ روز ٹویٹ کرتے ہوئے اعلان کیا ہے کہ وہ کچھ وقت کیلئے سوشل میڈیا سے دوری اختیار کررہی ہیں۔
Taking a break from social media, for a little bit.
In times such as these ( and otherwise) just remember -
Sabr, Shukr and Tawakul ♥️— Mahira Khan (@TheMahiraKhan) April 29, 2020
انہوں نے اپنی ٹویٹ میں لکھا کہ ان وقتوں میں صبر، شکر اور توکل کو یاد رکھیں۔
دوسری جانب مایا علی نے انسٹاگرام پر اپنی خوبصورت تصویر شیئر کرتے ہوئے لکھا ہے کہ 'لو جی آگئی میں'۔
انہوں نے لکھا 'میں امید کرتی ہوں کہ آپ اپنے پیاروں کے ساتھ گھروں میں رہ کر خیروعافیت سے رمضان گزاررہے ہوں گے۔ اللہ پاک تمام لوگوں کی کورونا وائرس سے حفاظت فرمائے اور اس مشکل وقت سے نکنے کی طاقت عطا فرمائے، انشااللہ! یہ وقت بھی گزر جائے گا'۔
انہوں نے مزید لکھا کہ 'اس تمام تر صورتحال میں اُن لوگوں کو نہ بھولیں جنہیں اس وقت آپ کی ضرورت ہے'۔
