کورونا وائرس کے باعث فٹبال بھی متاثر، یوئیفا چیمپئنز لیگ اور یورپا لیگ کے تمام میچز معطل کردیئے گئے۔

جون میں ہونے والے یورو ٹوئنٹی ٹوئنٹی کے پلے آف اور 2021 کے ویمن یورو کوالیفائنگ میچز بھی ملتوی ہوگئے۔

واضح رہے کہ کورونا وائرس کی وجہ سے اب تک کھیلوں کی بے شمار سرگرمیوں اور ایونٹس کو منسوخ کیا جاچکا ہے۔ منسوخ ہونے والے ایونٹس میں پاکستان سپر لیگ، انڈین پریمیئر لیگ، ٹوکیو اولمپکس 2020، سال کا تیسرا گرینڈ سلم ومبلڈن ٹینس ٹورنامنٹ شامل ہیں۔

اس کے علاوہ رواں برس آسٹریلیا میں ہونے والے ٹی ٹوئنٹی ورلڈکپ اور ایشیاکپ 2020 کے منسوخ ہونے کا بھی امکان ہے۔