عالمی وبا کورونا وائرس کی وجہ سے دنیا بھر میں تباہی کا سلسلہ جاری ہے، اب تک 44 ہزار سے زائد افراد اس مہلک مرض کی وجہ سے زندگی کی بازی ہار چکے ہیں جن میں کئی نامور شخصیات بھی شامل ہیں۔

کورونا وائرس کی وجہ سے ایک اور نامور شخصیت "اسٹار وارز" کے اداکار اینڈریو جیک انتقال کرگئے ہیں، ان کی عمر 76 برس تھی۔

غیرملکی میڈیا رپورٹس کے مطابق اینڈریو جیک کی موت سے متعلق اُن کی اہلیہ گیبریل راجرز نے بتایا کہ اینڈریو میں 2 روز قبل ہی کورونا وائرس کی تشخیص ہوئی تھی۔

انہوں نے بتایا کہ اینڈریو کورونا وائرس کی تشخیص کے بعد لندن کے ایک ہسپتال میں زیر علاج تھے اور گزشتہ روز انتقال کرگئے ہیں۔

واضح رہے کہ اداکار اینڈریو جیک نے بے شمار فلموں میں اپنی اداکاری کے جوہر دکھائے اور کیریئر میں 200 سے زائد اداکاروں کے ساتھ کام کیا۔