بولی وڈ کے مشہور اداکار رشی کپور نے کورونا وائرس کے بڑھتے ہوئے کیسز کے بعد پاکستانی عوام اور وزیراعظم عمران خان کو ایک اہم پیغام بھیجا ہے۔
سماجی رابطے کی ویب سائٹ ٹویٹر پر ٹویٹ کرتے ہوئے بولی وڈ اداکار کا کہنا تھا کہ پاکستانی عوام میرے دل کے بہت قریب ہیں، میں پاکستان کے وزیراعظم عمران خان کو مشورہ دیتا ہوں کہ کورونا وائرس سے نمٹنے کے لیے ضروری احتیاطی تدابیر اختیار کریں۔
ٹویٹر پر ٹویٹ کرتے ہوئے رشی کپور نے لکھا کہ نہایت ہی ادب کے ساتھ پاکستان کے وزیراعظم عمران خان کو مشورہ دیتا ہوں کہ اپنی عوام کو احتیاط برتنے کا مشورہ دیں، کیونکہ پاکستانی عوام ہمارے لیے قابل احترام ہیں، ماضی میں ہم ایک تھے۔
ٹویٹ میں انہوں نے مزید لکھا کہ کورونا وائرس عالمی وباء ہے، میں پاکستانی عوام سے پیار کرتا ہوں۔ ٹویٹر پر آخر میں انہوں نے "انسانیت زندہ باد" کا نعرہ بھی لگایا۔
With all due respect, Pakistan Prime Minister Imran Khan should also advice his country to take adequate precautions. People of Pakistan are also dear to us. Once we were one. We are concerned too. This is a global crisis. No ego matter this. We love you guys. Humanity zindabad !
— Rishi Kapoor (@chintskap) March 19, 2020
