پاکستان کرکٹ ٹیم کے سابق کپتان شاہد آفریدی نے کرکٹ کی دنیا میں ایسا نام بنایا کہ کافی عرصہ قبل بین الاقوامی کرکٹ سے ریٹائرمنٹ ہونے کے باوجود بھی اُن کی فین فالوونگ میں کوئی کمی نہیں آئی ہے۔ وہ آج بھی جب میدان میں کھیلنے کیلئے اترتے ہیں تو تماشائی بھرپور جوش و جذبے کے ساتھ میدان میں اُن کا استقبال کرتے ہیں۔
گزشتہ روز کورونا وائرس کے خطرے کے پیش نظر پاکستان سپر لیگ فائیو کے سیمی فائنلز اور فائنل کو منسوخ کردیا گیا مگر اس لیگ میں شاہد آفریدی کی ٹیم ملتان سلطانز نے شاندار کھیل کا مظاہرہ کرتے ہوئے پوائنٹس ٹیبل پر پہلی پوزیشن پر قبضہ جمایا ہوا تھا۔
ان دنوں دنیا بھر میں کورونا وائرس کے خطرے کے پیش نظر کھیلوں کی سرگرمیاں بُری طرح متاثر ہیں تو ایسے میں ہم نے فخر پاکستان بوم بوم آفریدی سے متعلق کچھ بالی ووڈ شخصیات کے خیالات آپ لوگوں تک پہنچانے کا فیصلہ کیا ہے۔
شاہد آفریدی کے فینز پاکستان کے ساتھ ساتھ پوری دنیا میں موجود ہیں، جن ممالک میں کرکٹ نہ بھی کھیلی جاتی ہو وہاں کے لوگ بھی شاہد آفریدی کو ضرور جانتے ہیں۔ آئیے آج آپ کو شاہد آفریدی سے متعلق بالی ووڈ شخصیات کے خیالات بتاتے ہیں۔
بالی ووڈ کنگ شاہ رخ خان
ایک شو کے دوران شاہ رخ خان نے کہا کہ میں جتنا بھی بڑا ہیرو بن جاؤں مگر مجھ سے سب لڑکیاں یہی کہتی ہیں کہ تم شاہد آفریدی نہیں لگتے۔
سلمان خان کے بھائی سہیل خان
سہیل خان نے ایک لیگ کے دوران انٹرویو دیتے ہوئے کہا کہ میں آفریدی کا بہت بڑا مداح ہوں۔
سوارا بھاسکر
بالی ووڈ اداکارہ سوارا بھاسکر نے ایک انٹرویو کے دوران کہا کہ مجھے شاہد آفریدی بہت پسند ہیں، وہ بچپن سے میرے کرَش ہیں۔
زرین خان
بالی ووڈ اداکارہ زرین خان نے ایک لیگ کی تقریب کے دوران کہا تھا کہ مجھے ہمیشہ سے شاہد آفریدی بہت پسند ہیں اور آج اُن سے مل کر میرا خواب پورا ہوا ہے۔ واضح رہے کہ اس تقریب میں بوم بوم خود بھی موجود تھے۔
ایک اور انٹرویو میں اُن سے سوال کیا گیا کہ آپ کو کرکٹ کا کتنا شوق ہے تو انہوں نے جواب دیا کہ مجھے کرکٹ کا نہیں شاہد آفریدی کا شوق ہے۔
یامی گوتم
بھارتی اداکارہ یامی گوتم نے ایک انٹرویو میں کہا کہ مجھے شاہد آفریدی بہت پسند ہیں اور جب میں نے اُن کو چھکے مارتے ہوئے دیکھا تو میرے بھی چھکے چھوٹ گئے تھے۔
عرشی خان
بھارتی اداکارہ عرشی خان نے کہا تھا کہ مجھے شاہد آفریدی بچپن سے ہی بہت پسند ہیں اور مجھے ان کا مسکرانا بہت ہی اچھا لگتا ہے۔
