کراچی: پاکستان سپر لیگ سیزن فائیو کے 26 ویں اور انتہائی اہم میچ میں کراچی کنگز نے لاہور قلندرز کیخلاف ٹاس جیت کر پہلے فیلڈنگ کا فیصلہ کرلیا۔

نیشنل اسٹیڈیم کراچی میں کھیلے جارہے میچ کا ٹاس کراچی کنگز کے کپتان عماد وسیم نے جیت کر پہلے مہمان ٹیم لاہور قلندرز کو بیٹنگ کی دعوت دے دی۔

کراچی کنگز کی ٹیم میں 3 اہم تبدیلیاں کی گئی ہیں۔ عمر خان کی جگہ ارشد اقبال، انجری کا شکار ہوکر ٹورنامنٹ سے باہر ہونے والے عامر یامین کی جگہ عمید آصف اور کیمرون ڈیلپورٹ کی جگہ اسامہ کو موقع دیا گیا ہے۔

اس کے علاوہ لاہور قلندرز کی ٹیم میں بھی ایک تبدیلی کی گئی ہے۔ معاذ خان کی جگہ فیضان کو ٹیم کا حصہ بنایا گیا ہے۔