جنوبی افریقہ کے اسٹار بولر ڈیل اسٹین پی ایس ایل میں شرکت کیلئے پاکستان پہنچ گئے۔

اسلام آباد یونائیٹڈ کی انتظامیہ نے ڈیل اسٹین کا اسلام آباد ائیرپورٹ پر استقبال کیا۔ اپنی تیز رفتار گیندوں سے بیٹسمینوں کو تگنی کا ناچ نچوانے کے لیے مشہور ڈیل اسٹین پہلی بار پاکستان سپرلیگ کا حصہ بنے ہیں۔

اسلام آباد یونائیٹڈ کے اعلیٰ حکام نے ڈیل اسٹین کی پاکستان آمد پر خوشی کا اظہار کرتے ہوئے امید طاہر کی ہے کہ ان کے آنے سے اسلام آباد یونائیٹڈ کا کمبینیشن مزید مضبوط ہوجائے گا اور مخالف بلے بازوں کو مشکل وقت دینے میں زیادہ مدد ملے گی۔

ڈیل اسٹین سے پہلے اسلام آباد یونائیٹڈ کو لیوک رونکی، ڈیوڈ میلان، کولن انگرام، فلپ سالٹ اور کولن منرو کی خدمات حاصل ہیں۔