امریکا اور طالبان کے درمیان تاریخ ساز معاہدے پر کل دستخط کیے جائیں گے ۔ جس کے بعد بین الافغان مذاکرات شروع ہوں گے جس میں جنگ بندی، افغانستان کے مستقبل سمیت کئی مسائل پر بات چیت ہو گی۔
بیس سالہ جنگ ختم ہونے پر افغانستان میں امن آئے گا۔ امریکا اور طالبان کے درمیان معاہدے پر ہفتے کو دستخط ہوں گے۔
بی بی سی کے مطابق چند اہم نکات امریکا تمام گرفتار طالبان کو رہا کرے گا، طالبان کی قید میں موجود تمام مقامیوں کو رہا کیا جائے گا ۔
افغانستان میں مکمل جنگ بندی کا فیصلہ ہوگا ۔ امریکا اپنی افواج کو افغانستان سے نکالنے کے بارے میں ٹائم ٹیبل سے آگاہ کرے گا۔ بین الاقوامی کانفرنس منعقد کرکے افغانستان کے دستور سکیورٹی اداروں کے کردار اور دیگر معاملات پر فیصلے کیے جائیں گے۔
معاہدے کی اس تقریب میں شرکت کیلیے دنیا بھر سے افراد دوحا میں موجود ہیں۔
