کراچی کنگز اور پشاور زلمی کے درمیان میچ میں آف دی فیلڈ ایک ایسی پُر اسرار حرکت دیکھی گئی جس پر نیا اسکینڈل جنم لے سکتا تھا۔ کراچی کے ڈگ آؤٹ میں ایک شخص کو فون استعمال کرتے ہوئے دیکھا گیا۔
لیکن کیا آپ جانتے ہیں کہ کراچی کنگز کی شرٹ پہننے یہ شخص کون تھا؟ اور کس سے باتیں کررہا تھا؟ جو بھی تھا کیا پی سی بی نے اس عمل کی اجازت دے رکھی ہے؟
ایسے کئی سوالات فینز کے ذہنوں میں ہیں تو آپ کو بتاتے چلیں کہ یہ کراچی کنگز کے سی ای او طارق وصی ہیں جو ڈگ آؤٹ میں فون پر باتیں کررہے تھے۔
پی سی بی کے مطابق ٹیم منیجر کو فون کی اجازت ہے لیکن طارق وصی کراچی کی ٹیم کے سی ای او ہیں۔ اس سے متعلق کراچی کنگز کے ترجمان سے رابطہ کیا گیا اور اس تصویر کے ساتھ ٹیم شیٹ دکھائی گئی تو اس پر بطور منیجر کسی اور کے دستخط تھے۔
ترجمان نے آج نیوز کو واضح کیا کہ طارق وصی ٹیم کے منیجر ہیں اور نوید اسسٹنٹ منیجر ہیں۔
انہوں نے یہ بھی واضح کیا کہ ٹیم شیٹ پر دونوں ہی دستخط کرسکتے ہیں لیکن منیجر طارق وصی ہی ہیں اور لیگ قوانین کے مطابق انہیں فون استعمال کرنے کی اجازت ہے۔
میچ کے بعد ہونے والی پریس کانفرنس میں بھی صحافیوں کی جانب سے یہ سوال اٹھایا گیا تو اس پر کیا جواب دیا گیا؟ آپ بھی ملاحظہ کریں۔
