کراچی: کوئٹہ گلیڈی ایٹرز نے پاکستان سپر لیگ کے پانچویں ایڈیشن کیلئے اداکارہ مایا علی کو برانڈ ایمبسیڈر مقرر کردیا۔
اداکارہ مایا علی مسلسل تیسری مرتبہ کوئٹہ گلیڈی ایٹرز کی برانڈ ایمبسیڈر مقرر ہوگئیں، مایا علی پی ایس ایل تھری اورپی ایس ایل فور میں بھی کوئٹہ گلیڈی ایٹرز کی برانڈ ایمبسیڈر رہ چکی ہیں۔
مایا علی کا کہنا ہے کہ ایک بار پھر چیمپیئن ٹیم کا ایمبیسیڈر بننے کی خوشی ہے، کوئٹہ گلیڈی ایٹرز نے صرف میچ ہی نہیں جیتے بلکہ دل بھی جیتے ہیں۔
انہوں نے برانڈ ایمبسیڈر مقرر کرنے پر گلیڈی ایٹرز کے اونر ندیم عمر اور منیجمنٹ کا شکریہ ادا کیا۔
