پاکستانی معیشت کا بڑا اانحصار چین سے درآمدی اشیا پر ہے، کورونا وائرس کے پاکستان کی معیشت پر منفی اثرات پڑ سکتے ہیں، اقتصادی ماہرین کہتے ہیں پاکستان عالمی منڈی میں سستے خام تیل کا فائدہ اٹھائے۔
پاکستان کا اہم تجارتی پارٹنر چین ہے،جسے کورونا کی تباہی کا سامنا ہے۔ پاکستان کی معیشت پر بھی منفی نتائج پڑسکتے ہیں، اقتصادی ماہرین نے خبردار کردیا۔
کورونا وائرس کے باعث جہاں چین سے درامدات میں مشکلات بڑھ گئیں ،وہیں برآمدات کا سلسلہ تاحال جاری ہے۔
عالمی منڈی میں تیل کی قیمت بھی تقریبا دس ڈالر کم ہوگئی۔
بظاہر تو چین میں پائے جانے والے وائرس نے پاکستان کو اب تک متاثر نہیں کیا لیکن طویل مدت میں اس کی سنگینی کو نظر انداز نہیں کیا جاسکتا۔
