پاکستان تحریک انصاف کے رہنما اور معروف ٹی وی میزبان ڈاکٹر عامر لیاقت حسین نے ایک بار پھر اداکارہ مہوش حیات کو اپنے نشانے پر رکھتے ہوئے تنقید کا نشانہ بنا ڈالا۔
عامر لیاقت حسین نے شوبز انڈسٹری میں اپنی خدمات کے عوض صدر پاکستان سے تمغہ امتیاز وصول کرنے والی اداکارہ مہوش حیات کے حالیہ فوٹوشوٹ پر شاعرانہ تنقید کی ہے۔
پی ٹی آئی رہنما نے مہوش حیات کی تصویر شیئر کرتے ہوئے یہ شعر لکھا کہ:
"تمہیں تمغہ کہوں یا نغمہ کہ سورج کہوں یا تارا
کیسے نام کرے گا روشن دو جگ میں حال تمہارا"
عامر لیات کی اس تنقید پر سوشل میڈیا صارفین نے مہوش حیات کی بجائے ڈاکٹر صاحب کو ہی آڑے ہاتھوں لے لیا اور انہیں دوغلا قرار دینا شروع کردیا۔
یہ بھی پڑھیئے: اداکارہ مہوش حیات کا عامر لیاقت حسین کو کرارا جواب
واضح رہے کہ امریکی حملے میں ایران کے جنرل قاسم سلیمانی کی ہلاکت کے معاملے پر بھی یہ دونوں ایک دوسرے سے الجھ چکے ہیں۔
