کراچی: پی ایس ایل فائیو کیلئے دوسرے مرحلے میں ٹکٹوں کی فروخت کا آغاز ہوگیا، کراچی میں افتتاحی تقریب کے سستے ٹکٹس نایاب ہوگئے۔

پاکستان سپر لیگ کے پانچویں ایڈیشن کیلئے شائقین کرکٹ کا جوش وخروش عروج پر پہنچ گیا اور ٹکٹوں کی فروخت بھی شروع ہوگئی۔ شائقین صبح سے ہی قطاریں بناکر کھڑے ہوگئے۔

نجی کوریئر کمپنی کی جانب سے کراچی سمیت ملک کے 38 شہروں کی 110 برانچز سے ٹکٹس کی فروخت جاری ہے، کراچی والوں کی افتتاحی تقریب پر نظر ہے۔

افتتاحی تقریب کے سستے ٹکٹس نایاب ہوگئے، 1 ہزار اور ڈھائی ہزار روپے والے ٹکٹس آدھے گھنٹے میں ہی فروخت ہوگئے۔

شائقین ایک شناختی کارڈ پر زیادہ سے زیادہ 7 ٹکٹس حاصل کرسکتے ہیں، پی ایس ایل فائیو کا میلہ 20 فروری سے 22 مارچ تک کراچی، لاہور، راولپنڈی اور ملتان میں سجے گا۔