لاہور: پی سی بی کے چیف ایگزیکٹیو وسیم خان کہتے ہیں کہ ایشیا کپ کی میزبانی پاکستان کے پاس ہی ہے لیکن ایونٹ کو 2 مقامات پر کروانے کی تجویز زیر غور ہے۔

بنگلادیش کے دورہ پاکستان پر رضامندی کے بعد بعض کرکٹ حلقوں سے یہ خبریں سامنے آرہی تھیں کہ پاکستان نے دورے کے عوض ایشیاکپ 2020 کی میزبانی کا سودا کیا ہے تاہم پی سی بی کے سی ای او نے اب واضح کردیا ہے کہ ایشیا کپ کی میزبانی پاکستان کے پاس ہی ہے۔

انہوں نے کہا کہ بھارت کے انکار کی صورت میں ہمارے پاس 2021 میں بھارت نہ جانے کا آپشن ہوگا۔