پی ایس ایل فائیو سے قبل پشاور زلمی بدستور غیرملکی سفیروں کی توجہ کا مرکز، ترکی اور جرمنی کے بعد اسپین کے سفیر نے بھی پشاور زلمی کیلئے گڈ لک پیغام بھیج دیا۔

میڈیا اور برانڈ ویلیو کے لحاظ سے پی ایس ایل کی نمبرون فرنچائز پشاور زلمی پاکستان میں غیر ملکی سفیروں کی توجہ کا مرکز ہے۔ ترکی اور جرمنی کے بعد پاکستان میں اسپین کے سفیر مینول ڈوران گیمینز نے پشاور زلمی جیکٹ کے ساتھ تصویر بناکر ٹیم زلمی کو پی ایس ایل کے لیے نیک خواہشات کا پیغام دیا ہے۔

اسپین کے سفیر نے کہا کہ پی ایس ایل کا پاکستان میں انعقاد پرجوش ہے اور پاکستان کے شائقین کرکٹ یقینی طور پر اس سے محظوظ ہوں گے۔

پشاور زلمی کے چیئرمین جاوید آفریدی نے اسپین کے سفیر کا شکریہ ادا کرتے ہوئے انہیں پی ایس ایل میچز دیکھنے کی دعوت دی۔