ڈیوس میں امریکی ٹی وی کو انٹرویو کے دوران وزیراعظم عمران خان نے انگلینڈ کے بین اسٹوکس کو شاندار کرکٹر قرار دے دیا۔
انٹرویو کے دوران خاتون اینکر پرسن نے وزیراعظم سے بین اسٹوکس کے بارے میں سوال کیا تو انہوں نے کہا کہ وہ مصروفیت کی وجہ سےکرکٹ میچز نہیں دیکھ پاتے لیکن میڈیا کے ذریعے ملنے والی خبروں سے پتہ چلتا ہے کہ اسٹوکس ایک بہترین کرکٹر ہیں۔
واضح رہے کہ وزیراعظم عمران خان کو پاکستان کرکٹ کی تاریخ کا کامیاب ترین کپتان ہونے کا اعزاز حاصل ہے اور قومی ٹیم نے 1992 کا ورلڈکپ ان ہی کی قیادت میں اپنے نام کیا تھا۔
