پاک فوج کے سربراہ جنرل قمر جاوید باجوہ نے ایک بار پھرعزم کا اعادہ کیا ہے کہ کشمیرکازاور کشمیری عوام کی ہر سطح پر حمائیت جاری رکھے گی ۔

 آزاد جموں و کشمیر کے صدر سردار مسعود خان نے جی ایچ کیو راولپنڈی کا دورہ کیا اور آرمی چیف جنرل قمر جاوید باجوہ سے ملاقات کی۔

آئی ایس پی آر کے مطابق ملاقات میں باہمی دلچسپی بالخصوص لائن آف کنٹرول (ایل اوسی) کی صورتحال پر بات چیت ہوئی جبکہ ملاقات میں مقبوضہ کشمیر کی صورتحال پر بھی تبادلہ خیال کیا گیا۔

پاک فوج کے سپہ سالار جنرل قمر جاوید باجوہ نے اس موقع پر اپنے اس عزم کا اعادہ کیا کہ پاک فوج کشمیر کاز کے لئے بھرپور سپورٹ جاری رکھے گی، کشمیر کاز اور کشمیریوں کے ساتھ اپنا تعاون جاری رکھیں گے ۔