میانوالی میں پاک فضائیہ کے تربیتی طیارے کے حادثہ میں شہید ہونے والے پائلٹ عبادالرحمان کی نماز جنازہ پی اے ایف ائر بیس لاہور پر ادا کی گئی، آخری رسومات میں شہید کے لواحقین اور پاکستان ائر فورس کے اعلی عہدیداروں نے بڑی تعداد میں شرکت کی۔

 گزشتہ روز میانوالی کے قریب تربیتی پرواز کے دوران فنی خرابی کے باعث طیارے کو پیش آنے والے حادثے میں فلائٹ لیفٹینٹ عبادالرحمن نے جام شہادت نوش کیا۔

شہید کی نماز جنازہ سرگودھا اور لاہور ائربیس پر ادا کرنے کے بعد ان کے جسد خاکی کو اہلخانہ کے حوالے کیا گیا۔

  شہید عبادالرحمان کی نماز جنازہ واپڈا ٹاون میں بھی ادا کی گئی، اہلخانہ کا کہنا ہے کہ عبادالرحمن بہت شفیق تھے، محنتی ہونے کے ساتھ ساتھ ملک کیلئے کچھ کرنے کا عزم رکھتے تھے۔

شہید کی نماز جنازہ میں ائرفورس حکام اور شہریوں کی کثیر تعداد میں بھی شرکت کی، جس کے بعد انہیں مقامی قبرستان میں سپرد خاک کر دیا گیا۔