لاہور: قومی ٹیم کے ہیڈ کوچ مصباح الحق اور بولنگ کوچ وقار یونس نے انڈر نائنٹین کرکٹ ٹیم کے کیمپ کا دورہ کیا، دونوں کوچز نے نوجوان کرکٹرز کو اپنے تجربات سے آگاہ کیا۔
پاکستان ٹیم کے ہیڈ کوچ مصباح الحق اور بولنگ کوچ وقار یونس نیشنل کرکٹ اکیڈمی لاہور میں قومی انڈر نائنٹین ٹیم کے کیمپ پہنچ گئے، نوجوان کرکٹرز سے ملاقات کی اور انہیں ورلڈکپ کے حوالے سے مفید مشورے دئیے۔
Pakistan senior team's head coach @captainmisbahpk and bowling coach @waqyounis99 visited the @ICC #U19CWC bound Pakistan squad. The legendary duo shared their experiences and gave valuable tips to the youngsters #PakistanFutureStars pic.twitter.com/ink0BAqbDa
— Pakistan Cricket (@TheRealPCB) January 7, 2020
مصباح نے کہا کہ انڈر نائنٹین شناخت بنانے کا ایک اچھا پلیٹ فارم ہے، بولنگ کوچ وقار یونس نوجوان فاسٹ بولرز کے ٹیلنٹ سے متاثر دکھائی دیئے۔
انہوں نے کہا آپ باصلاحیت ہیں، ورلڈ کپ جیت سکتے ہیں، فاسٹ بولرز کو جنوبی افریقہ کی پچز پر بہت مدد ملتی ہے۔
پاکستان ٹیم انڈر نائنٹین ورلڈکپ میں شرکت کیلئے 10 جنوری کو جنوبی افریقہ روانہ ہوگی۔
