لاہور میں قومی سینٹرل کنٹریکٹ میں شامل دس قومی کرکٹرز کے فٹنس ٹیسٹ مکمل ہوگئے۔ ذرائع کے مطابق عماد وسیم اور یاسر شاہ 2 مراحل میں قابل ذکر فٹنس نہ دکھا سکے۔

ذرائع کے مطابق سابق کپتان سرفراز احمد کی فٹنس میں بہتری آئی ہے، اوپنر شان مسعود اور بابر اعظم نے فٹنس لیول کو برقرار رکھا۔

ذرائع کا یہ بھی کہنا ہے کہ فٹنس ٹیسٹ کی رپورٹ تکمیل کے مراحل میں ہے، ایک دو روز میں اعلان کردیا جائے گا۔

فٹنس کے معیار پر پورا نہ اترنے والے کرکٹرز پر جرمانہ عائد کیا جائے گا۔ کپتان سمیت دیگر کرکٹرز کے ٹیسٹ بعد میں ہونگے۔