پاکستان میں ٹیسٹ کھیلنے کے حوالے سے بنگلادیشی بورڈ سنجیدہ ہوگیا، کھلاڑیوں سے رضامندی جاننے لگے۔ ٹیم کے آنے یا نہ آنے کا حتمی فیصلہ 12 جنوری کو ہوگا۔

بنگلادیش کے رواں ماہ دورہ پاکستان سے متعلق پی سی بی کے سخت موقف پر بنگلادیشی بورڈ حرکت میں آگیا اور کھلاڑیوں سے رائے لینا شروع کردی۔ ذرائع کے مطابق ایک ٹیسٹ کھلاڑی نے دورہ پاکستان کیلئے رضامندی ظاہر کی ہے۔

بنگلادیش کرکٹ بورڈ کی میٹنگ 12 جنوری کو طے ہے جس میں پاکستان جانے یا نہ جانے کا فیصلہ کیا جائے گا۔

بنگلادیش ٹی ٹوئنٹی سیریزکھیلنے کیلئے تو راضی ہے لیکن ٹیسٹ سیریز کے حوالے سے بدستور ہچکچاہٹ کا شکار ہے۔