لاہور: پنجاب میں مختلف ٹریفک حادثات میں چودہ افراد جاں بحق اور چودہ زخمی ہوگئے، جاں بحق افراد میں خواتین بھی شامل ہیں۔
بہاولنگر کے علاقے فورٹ عباس میں تیز رفتار مسافر بس الٹ گئی، حادثے میں پانچ افراد جاں بحق اور دس زخمی ہوئے۔
عارف والا بائی پاس پر ٹریلر اور ویگن میں تصادم ہوا، حادثے میں دو خواتین جاں بحق اور تین افراد زخمی ہوگئے۔
گوجرانوالا میں دھند کے باعث موٹر سائیکل کو ڈمپر نے ٹکر مار دی،جس سے تین جانیں چلی گئیں۔
صادق آباد میں قومی شاہراہ پر ٹریلر کی گدھا گاڑی کو ٹکر سے ایک شخص جان سے گیا۔
وزیرآباد اور راجن پور میں بھی ٹریفک حادثے میں تین افراد جاں بحق اور ایک زخمی ہوا۔
