سندھ میں سی این جی کی بندش سے پریشان صارفین کیلئے خوشخبری آگئی۔

سوئی سدرن گیس کا چھ دن مسلسل گیس بند کرنے کے بعد آج رات دس بجے کھولنے کا فیصلہ کیا ہے، لیکن فلنگ اسٹیشنز صرف نو گھنٹے بعد یعنی صبح چھ بجے بند کردیئے جائیں گے۔

گزشتہ گیارہ دن میں عوام کو صرف اکیس گھنٹے سی این جی دی گئی۔

ایس ایس جی سی کا کہنا ہے کہ سسٹم میں معمولی بہتری آنا شروع ہوئی ہے، لیکم پریشر میں کمی کا سامنا ابھی بھی ہے، پریشر کی صورتحال کو مدِنظر رکھ کر آئندہ کا فیصلہ کیا جائے گا۔