وزیراعظم عمران خان نے سعودی عرب کے دباؤ پر ملائیشیا سمٹ میں شرکت نہیں کی ۔
ترک صدر رجب طیب اردوان نے بڑا دعویٰ کردیا ۔ کہتے ہیں سعودی عرب نے چالیس لاکھ پاکستانیوں کو نکالنے اور اسٹیٹ بینک سے رقم نکالنے کی دھمکی دی۔
ترک اخبار ڈیلی صباح کے مطابق رجب طیب اردوان نے صحافیوں سے گفت گو میں کہا او آئی سی کے علاوہ کسی اور فورم پر مسلم ممالک کے ساتھ آنے پر سعودی عرب اور یو اے ای کی جانب سے ہمیشہ رکاوٹیں ڈالی جاتی ہیں ۔ اس بار بھی پاکستان پر دباؤ ڈالا گیا ۔
ان کا کہنا تھا کہ پاکستانی اسٹیٹ بینک میں موجود سعودی رقم واپس نکالنے کی دھمکی دی ساتھ ہی ساتھ یہ سعودی عرب میں کام کرنیوالے چالیس لاکھ پاکستانیوں کو نوکریوں سے نکالنے کی بھی دھمکی دی اور اُن کی جگہ بنگلہ دیشی شہریوں کو نوکری دینے کا کہا۔
رجب طیب اردوان کا یہ بھی کہنا تھا کہ پاکستان نے سمٹ میں شرکت نہ کرنے کا فیصلہ اپنی کمزور معیشت کے باعث کیا ۔ اس قسم کے دباؤ کا سامنا انڈونیشیا،عراق،شام اور صومالیہ کو بھی کرنا پڑا۔
