بالی وڈ اداکارہ شبانہ اعظمی مودی سرکار کی جانب سے متنازع شہریت کے قانون کیخلاف کھل کر میدان میں آگئیں۔
انہوں نے ٹویٹر پر اپنی ایک ویڈیو شیئر کی ہے جس میں ان کا کہنا ہے کہ 'مجھے افسوس ہے اس وقت ہندوستان میں نہ ہونے کی وجہ سے میں ذاتی طور پر مظاہروں میں شامل نہیں ہوپارہی ہوں، لیکن میں پوری طرح آپ لوگوں کے ساتھ ہوں'۔
— Azmi Shabana (@AzmiShabana) December 19, 2019
انہوں نے اپیل کی کہ افراتفری پھیلائے بناء آپ زیادہ سے زیادہ تعداد میں ان مظاہروں میں شرکت کریں اور اس مہم کو آگے بڑھائیں۔ انہوں نے بات کا خاتمہ کیفے اعظمی کے شعر پر کیا کہ 'آج کی رات بہت گرم ہوا چلتی ہے، آج کی رات نہ فٹ پاتھ پر نیند آئے گی۔ سب اٹھو میں بھی اٹھوں تم بھی اٹھو، کوئی کھڑکی اسی دیوار میں کھُل جائے گی'۔
انہوں نے اپنی اگلی ویڈیو میں مظاہرین سے اظہار یکجہتی کیلئے اپنے شوہر جاوید اختر کا شعر پڑھا کہ 'جو مجھ کو زندہ جلا رہے ہیں وہ بے خبر ہیں، کہ میری زنجیریں دھیرے دھیرے پگھل رہی ہیں۔ میں قتل تو ہو گیا تمہاری گلی میں لیکن، میرے لہو سے تمہاری دیوار گل رہی ہے'۔
In solidarity with protestors against CAA and NRC pic.twitter.com/hynuypyNsm
— Azmi Shabana (@AzmiShabana) December 19, 2019
ساتھ ہی انہوں نے کہا کہ 'میں امید کرتی ہوں ہماری آواز کو دبانے کے بجائے سرکار ہماری آواز کو سنے گی۔ اور آج جو لوگ احتجاج کر رہے ہیں میں اُن کے ساتھ ہوں'۔
Jawab Do pic.twitter.com/bYiboSRVDn
— Azmi Shabana (@AzmiShabana) December 19, 2019
ایک اور ویڈیو میں انہوں نے شوہر جاوید اختر کا دوسرا شعر ' خون سے سینچے ہے جو میں نے زمین جو مرمر کے، وہ زمین اس ستم گر نے کہا اُس کی ہے' سناتے ہوئے "جواب دو" کیپشن درج کی۔
