سابق آرمی چیف پرویز مشرف کے وکلاء نے سنگین غداری کیس میں خصوصی عدالت کے فیصلے پر سخت ردعمل کا اظہار کیا ہے۔

سابق صدر پرویز مشرف کے وکیل سلمان صفدر نے خصوصی عدالت کے فیصلے کو ذوالفقار بھٹو کے فیصلے سے بھی بدترین قرار دیا۔

سلمان صفدر کا کہنا تھا کہ خصوصی عدالت نے فیصلہ عجلت میں سنایا ہے اور اس میں پرویز مشرف کو نہیں سنا گیا۔

ان کا کہنا تھا کہ استغاثہ کے کیس کی منظور کابینہ کے بجائے وزیراعظم نے دی، انہوں نے کیس میں شوکت عزیز اور عبدالحمید ڈوگر کو شریک ملزم نہ بنانے پر سوالات اٹھائے۔

واضح رہے کہ سنگین غداری کیس میں خصوصی عدالت نے کیس کی سماعت کی، سماعت میں عدالت نے سابق صدر پرویز مشرف کو سنگین غداری کا مرتکب قرار دیا اورکہا کہ مشرف نے تین نومبر دوہزار سات کو آئین پامال کیا۔

عدالت نے اپنے فیصلے میں سابق صدر پرویز مشرف کوموت کی سزا سنائی۔

https://youtu.be/RAFQXv1lwh8