حیدرآباد دکن: بھارتی ٹینس اسٹار ثانیہ مرزا کی بہن انعم مرزا اور بھارتی کرکٹ ٹیم کے سابق کپتان محمد اظہرالدین کے بیٹے اسد کا ولیمہ ہوگیا۔

بھارتی میڈیا رپورٹس کے مطابق انعم اور اسد کا نکاح 11 دسمبر کو ہوا تھا جبکہ ان کا ولیمہ بھارتی شہر حیدرآباد دکن میں ہوا، تصاویر سوشل میڈیا پر وائرل ہوگئیں۔

ولیمے میں کرکٹرز اور شوبز اسٹارز نے شرکت کی جبکہ بنگلادیش پریمیئر لیگ میں مصروفیات کے باعث شعیب ملک سالی کی شادی میں شرکت نہ کرسکے۔