بھارتی وزیراعظم نریندر مودی گنگا گھاٹ پر سیاسی مصروفیات کے دوران سیڑھیوں پر اوندھے منہ گر پڑے۔

بھارتی میڈیا رپورٹس کے مطابق مودی سیاسی مصروفیات کے دوران سیڑھیاں چڑھ رہے تھے کہ اچانک وہ اپنا توازن کھو بیٹھے اور اوندھے منہ زمین پر گرگئے۔

مودی جیسے ہی لڑکھڑا کر گرے تو ان کے سیکورٹی اہلکار بھی گھبراگئے اور فوراً ان کی جانب لپک کر سہارا دیا جس کے بعد وہ اٹھ گئے۔

بھارتی میڈیا کے مطابق مودی کو سیڑھیوں پر گرنے سے کوئی زخم نہیں آیا اور وہ بالکل ٹھیک ہیں۔

مودی کے گرنے کی ویڈیو سوشل میڈیا پر خوب وائرل ہورہی ہے اور مختلف سوشل میڈیا صارفین اس پر منفرد تبصرے دیتے نظر آرہے ہیں۔

ایک سوشل میڈیا صارف نے لکھا کہ مودی ایسے گرے ہیں جیسے بھارت کی معیشت کو گرایا ہے۔ ویڈیو ملاحظہ کریں۔

https://youtu.be/UT-6Ir_yHPg