پاکستانی اداکارہ ماہرہ خان اور مہوش حیات ایشیا کی ٹاپ ٹین پرکشش ترین خواتین کی فہرست میں شامل ہوگئیں، یہ فہرست برطانوی ہفتہ وار جریدے 'ایسٹرن آئی' کی جانب سے شائع کی گئی ہے۔

برطانوی جریدے ایسٹرن آئی کی ایشیا کی 10 پرکشش خواتین کی فہرست میں ماہرہ خان کا چوتھا اور مہوش حیات کا نواں نمبر ہے جبکہ عالیہ بھٹ اس لسٹ میں سرفہرست ہیں۔

سنہ 2018 میں ایشیا کی پرکشش ترین خاتون کا اعزاز بالی وڈ اداکارہ دپیکا پاڈوکون نے حاصل کیا تھا مگر 2019 میں عالیہ بھٹ نے دپیکا پر بازی مارلی ہے۔

اس فہرست میں دپیکا پاڈوکون کا دوسرا، حنا خان کا تیسرا، ماہرہ خان کا چوتھا، سُربھی چندانا کا پانچواں، کترینہ کیف کا چھٹا، شیوانگی جوشی کا ساتواں، نیا شرما کا آٹھواں، مہوش حیات کا نواں اور پریانکا چوپڑا کا دسواں نمبر ہے۔

پہلے نمبر پر بالی وڈ اداکارہ عالیہ بھٹ

دوسرے نمبر پر دپیکا پاڈوکون

تیسرے نمبر پر حنا خان

چوتھے نمبر پر ماہرہ خان

پانچویں نمبر پر سُربھی چندانا

چھٹے نمبر پر کترینہ کیف

ساتویں نمبر پر شیوانگی جوشی

آٹھویں نمبر پر نیا شرما

نویں نمبر پر مہوش حیات

دسویں نمبر پر پریانکا چوپڑا

یہ فہرست مختلف سوشل میڈیا پلیٹ فارمز پر ووٹنگ سے حاصل کردہ نتائج کی روشنی میں مرتب کی گئی ہے۔

اس جریدے کے صحافی اسجد نذیر نے اپنی ٹویٹ میں 2019 کی ٹاپ 7 پرکشش خواتین اور رواں دہائی کی ٹاپ 5 پرکشش ترین خواتین کی فہرست بھی جاری کی ہے۔

ماہرہ خان 2019 کی ایشیا کی پرکشش ترین خواتین کی فہرست میں چوتھے اور رواں دہائی کی پرکشش ترین خواتین کی فہرست میں تیسرے نمبر پر براجمان ہیں۔

50 Sexiest Asian Women of 2019 TOP 7

1. Alia Bhatt

2. Deepika Padukone

3. Hina Khan

4. Mahira Khan

5. Surbhi Chandna

6. Katrina Kaif

7. Shivangi Joshi

Sexiest Asian Woman of Decade TOP 5

1. Deepika Padukone

2. Priyanka Chopra

3. Mahira Khan

4. Katrina Kaif

5. Drashti Dhami

— Asjad Nazir (@asjadnazir) December 11, 2019

اس سے قبل پاکستانی گلوکار و اداکار علی ظفر اور اداکار بلال اشرف ٹاپ 10 پرکشش ترین مرد اداکاروں کی فہرست میں جگہ بناچکے ہیں۔