جنوبی افریقا میں کھیلی جارہی مزانسی سپر لیگ کے ایک میچ میں ایسا بھی دیکھنے کو ملا جب سری لنکن باؤلر اسورو اڈانا نے ہاتھ میں گیند ہونے کے باوجود کریز سے باہر موجود بلے بازکوآؤٹ نہیں کیا۔
کرکٹ کوغیریقینی کھیل کہا جاتا ہے، کرکٹ کے میدان پر ایسے واقعے رونما ہوتے رہتے ہیں جو کھلاڑی شائقین کا دل جیت لیتے ہیں۔
یہ واقعہ پارل راکس اورنیلسن منڈیلا بے جائنٹس کے درمیان ہوئے میچ کے دوران سامنے آیا۔
نیلسن منڈیلا بے جائنٹس کی طرف سے بین ڈنک نے 27 رن بناتے ہوئے ٹیم کو اچھی شروعات دلائی، لیکن 9ویں اوور تک ٹیم کے تین وکٹ 62 رنز پر گرگئے تھے۔ اس کے بعد کہن نےاننگ کو سنبھالا اور43 گیندوں پر 58 رنز کی اننگ کھیلی۔
ریان ٹین ڈوایشچ اور مارکومرائس نے بالترتیب 14 اور 21 رن بنائے۔ پارل راکس کے باؤلر اسورواڈانا جب اننگ کا 19 واں اوور کروانے آئے تو کہن اور مرائس کریز پر تھے۔ ٹیم کو 8 گیندوں میں 24 رنز درکار تھے۔ کہن نے اڈانا کی گیند پر تیز شاٹ کھیلا، لیکن گیند دوسرے اینڈ پر کریز چھوڑ کر آگے نکل چکے ان کے ساتھی مرائس کی کوہنی میں لگی اور اسورواڈانا کے ہاتھ میں چلی گئی۔
مرائس ایک پل کے لیے تو کریز پر ہی بیٹھ گئے۔ حالانکہ اس دوران اسورواڈانا کے پاس مرائس کو رن آؤٹ کرنے کا موقع تھا، لیکن انہوں نے کھیل کے جذبے کا احساس کرتے ہوئے ایسا نہیں کیا۔
ویڈیو دیکھیں:
Spirit of cricket🤝
Raise your hand for more moments like this! Always! 🖐️🖐️🖐️🖐️#mslt20 pic.twitter.com/5nA8q9rQ2U
— Mzansi Super League 🔥 🇿🇦 🏏 (@MSL_T20) December 8, 2019
