برطانیہ میں اسلاموفوبیا کے واقعات میں اضافہ ہونے لگا ہے اور اب باحجاب مسلمان لڑکی کو اسلامو فوبیا میں مبتلا جوڑے نے تشدد کا نشانہ بنایا ہے۔اور سوشل میڈیا پر اسکی ویڈیو بھی وائرل ہوئی ہے ، حالیہ واقعہ یارکشائر میں شیفلڈ میں پیش آیا ہے۔
ویڈیو میں دیکھا جاسکتا ہے کہ و ہ برطانوی جوڑا بس میں سوار ہونے والی طالبہ کو مغلظات بک رہے ہیں جس کے بعد لڑکی کی جانب سے اعتراض کیا جاتا ہے تو یہ وہ خاتون اسکو گھسیٹنا شروع کردیتی ہے، اور اسکا شوہر بھی اسلام سے متعلق مغلظات بکتا رہتا ہے ۔ اس دوران دیگر طالبات کی جانب سے بھی اعتراض کیا جاتا ہے۔
A Muslim schoolgirl was beaten up and racially abused by a woman in Sheffield, UK.
The woman was later arrested by police. pic.twitter.com/ZToFWrGCx7
— CJ Werleman (@cjwerleman) December 7, 2019
حتی کہ وہ خاتون بس سے اتر کر اس طالبہ کو نیچے گراکر تشدد کا نشانہ بناتی ہے۔اور کافی دیر تک اسکو زمین پر گراکر رکھتی ہے۔ تاہم اس دوران لڑکی کے ساتھ موجود یگر طالبات آخر اسکو بمشکل بچا تی ہیں اور اس باحجاب لڑکی کو برطانوی خاتون کے چنگل سے نجات دلاتی ہیں ۔
ابتداء میں کہا جارہا تھا کہ پولیس نے خاتون کو واقعے پر گرفتار کرلیا ہے تاہم حالیہ رپورٹس کے مطابق پولیس نے اس برطانوی خاتون کو خبردار کرکے ریلیز کردیا ہے۔
