افغانستان میں طالبان کے حملے میں افغان فورس کے جنرل ظاہر گل مقبل کے ہلاک ہونے کا انکشاف ہوا ہے۔ افغان حکام نے بھی حملے میں سینئر فوجی کمانڈر کی ہلاکت کی تصدیق کی ہے ۔
صوبائی پولیس سربراہ کے مطابق جنرل ظاہر گل بارڈر یونٹ کے سربراہی کے فرائض سرانجام دیتے تھے اور وہ ہیلمند میں ضلع مرجاح کچھ صحافیوں کے ساتھ ایک آپریشن کا جائزہ لینے جارہے تھے کہ راستے میں ایک سڑک کنارے نصب بم پھٹ گیا جس سے ہلاک ہوگئے ۔
طالبان کارروائی کے دوران تین سیکیورٹی اہلکار اور ایک صحافی بھی زخمی ہوا۔
طالبان نے اپنے بیان میں حملے کی ذمے داری قبول کرلی ہے .
دوسری جانب امریکا اور طالبان کے درمیان امن مذاکرات دوہا میں شروع ہورہے ہیں ، امریکی وزارت خارجہ نے بھی اس حوالے سے تصدیق کی ہے ۔ پہلے امریکی نمائندہ خصوصی زلمے خلیل زاد نے بھی طالبان سے جلد مذاکرات شروع ہونیکی کی امید ظاہر کی تھی۔
واضح رہے کہ تین ماہ قبل امن معاہدے کے قریب پہنچنے پر اچانک امریکی صدر ٹرمپ نے طالبان سے مذاکرات معطل کردیئے تھے۔
