کراچی: شہر قائد میں اغوا کی وارداتیں بڑھنے لگی ہیں، ڈیفنس بخاری کمرشل سے لڑکی کو اغوا کرلیا گیا ہے۔

پولیس کے مطابق مغوی دعا اور حارث پیدل جارہے تھے کہ کار سوار ملزمان لڑکی کو اغوا کرکے لے گئے، مزاحمت پر فائرنگ کرکے حارث کو زخمی کردیا۔ زخمی کو اسپتال منتقل کردیا گیا ہے۔

واقعے کے بعد ایس ایس پی جائے وقوعہ پر پہنچے اور عینی شاہدین سے واقعے کی تفصیلات معلوم کیں۔ آئی جی سندھ نے بھی واقعے کا نوٹس لے لیا اور ایس ایس پی سے رپورٹ طلب کرلی ہے۔