پی پی چیئرمین بلاول بھٹو نے کہا ہے کہ پیپلزپارٹی نے ہمیشہ اسٹوڈنٹ یونینز کی حمایت کی۔

بلاول بھٹو نے سماجی ویب سائٹ پر بیان میں کہا  پیپلزپارٹی طلبہ یونینز کی بحالی کی حامی ہے ۔ بینظیر بھٹو نے بھی طلبہ یونینز بحال کر دی تھیں مگر معاشرے کو غیر سیاسی بنانے کے لیے طلبہ یونینز کی بحالی کا خاتمہ کیا گیا۔

بلاول بھٹو زرداری نے مطالبہ کیا کہ سرکاری یونیورسٹیوں کی نجکاری کا سلسلہ ختم کیا جائے۔

اُن کا کہنا تھا کہ سرکاری جامعات کی نجکاری کا سلسلہ ختم کیا جائے اور تعلیمی اداروں میں جنسی ہراسانی کو روکنے کے لیے قانون سازی کی جائے۔