ممبئی: امریکی گلوکارہ کیٹی پیری ممبئی میں میوزک کنسرٹ کرنے کے بعد واپسی کے لیے ایئرپورٹ پر پاسپورٹ دکھائے بغیر جہازمیں سوار ہوگئیں اور بھارتی اہلکار ان کی منتیں ترلے کرتے رہ گئے۔
ذرائع ابلاغ کے مطابق سوشل میڈیا پر وائرل ہونے والی ایک ویڈیو میں دیکھا جا سکتا ہے کہ ایئرپورٹ کے سیکیورٹی حکام کیٹی پیری سے پاسپورٹ دکھانے کا کہہ رہے ہیں، تاہم امریکی گلوکارہ نے ان کی ایک بھی نہ سنی اور سیکیورٹی حدود پار کرگئیں۔
کیٹی پیری کے پاسپورٹ نہ دکھانے پر بھارتی مداح ان سے ناخوش دکھائی دئیے اور ان پر بھارتیوں کی توہین کا الزام بھی لگایا ہے۔
