گزشتہ دنوں پاکستانی ہیرو نے بھارت سے عمان جانے والی پرواز کو حادثے سے بچایا گیا تھا جس پر اب بالی وڈ کی نامورد اداکارہ روینہ ٹنڈن بھی تعریف کئے بنا نہ رہ سکیں۔
انہوں نے اپنی ایک ٹویٹ میں پاکستانی ہیرو کے اقدام کو سراہتے ہوئے لکھا کہ 'جب انسانیت سیاست سے جیت جائے۔ پاکستانی ایئر ٹریفک کنٹرولر نے جے پور سے مسقط جانے والی پرواز کو تباہ ہونے سے بچالیا'۔
When humanity wins over politics . Pakistani air traffic controller saves a Jaipur to Muscat flight from disaster https://t.co/XEzSuVFzUC
— Raveena Tandon (@TandonRaveena) November 16, 2019
گزشتہ دنوں سول ایوی ایشن اتھارٹی کے ایئر ٹریفک کنٹرولر نے غیرملکی ایئرلائن عمان ایئر کو خوفناک حادثے سے بچایا تھا۔
بھارتی شہر جے پور سے مسقط جانے والی غیرملکی ایئرلائن کا طیارہ چھور کے علاقے میں آسمانی بجلی کی زد میں آگیا تھا۔
ذرائع کے مطابق طیارہ 38 ہزار فٹ کی بلندی پر کپتان سے بے قابو ہو اتو کپتان نے ہنگامی بنیادوں پر اے ٹی سی کو میڈے کی کال دی تھی۔
ایئر ٹریفک کنٹرولر نے پائلٹ کی رہنمائی کی اور طیارے کو دوسرے طیاروں سے ٹکرانے سے بچالیا تھا۔
واضح رہے کہ طیارے میں 150 مسافر سوار تھے اور اگر پاکستانی ایئر ٹریفک کنٹرولر پائلٹ کی رہنمائی نہ کرتا تو بڑا حادثہ رونما ہوسکتا تھا۔
