پاکستان کی خوبرو ادکارہ ماہرہ خان کے سوشل میڈیا پر ویسے ہی چرچے رہتے ہیں لیکن اب ان کی ایسی ویڈیو سامنے آئی ہے جسے مداحوں اور سوشل میڈیا صارفین کی جانب سے خوب پسند کیا جارہا ہے۔
سیلفی ایک ایسی چیز ہے جس کے نام سے بچہ بچہ واقف ہے لیکن سیلفیوں کے دور میں ماہرہ کی 'سلوفی' نے سوشل میڈیا صارفین کی توجہ اپنی جانب مبذول کرلی ہے۔
ماہرہ خان نے اپنے انسٹاگرام اکاؤنٹ کے ذریعے آئی فون 11 پرومیکس کے 'سلوفی' فیچر سے بنائی گئی ایک ویڈیو شیئر کی اور کیپشن میں لکھا 'امید ہے کہ میں اس میں بہتری لاسکوں گی لیکن ابھی کیلئے یہ میری پہلی کوشش ہے'۔
واضح رہے کہ گزشتہ دنوں آئی فون کی نئی سیریز آئی فون الیون، الیون پرو اور الیون پرومیکس پاکستان میں لانچ کئے گئے تھے جس میں 'سلوفی' نام کا نیا فیچر بھی موجود ہے۔
اس فیچر کی مدد سے صارف ایک سیکنڈ میں 120 فریم پر مشتمل سلوموشن سیلفی ویڈیو ریکارڈ کرسکتا ہے اور اسی سلوموشن کی وجہ سے اسے 'سلوفی' جیسا منفرد نام دیا گیا ہے۔
