کراچی میں اسٹریٹ کرمنلز نے تمام حدیں پار کردیں، دہلی کالونی میں کراکری شاپ پر ہونے والی واردات کی سی سی ٹی وی سامنے آگئی۔
خریداری کے لئے دکان میں آئی نہتی خاتون سے تین مسلح ڈاکؤوں نے لوٹ مار کی اور مزاحمت پر ادھیڑ عمر خاتون تو تشدد کا نشانہ بناتے ہوئے 3 تھپڑ رسید کردیئے۔
ملزمان خاتون سے طلائی زیوارت اتارنے کی ضد کرتے رہے اور خاتون انکار کرتی رہیں۔ فوٹیج میں بے بس خاتون کو ڈاکؤوں کے سامنے ہار مانتے بھی دیکھا جاسکتا ہے۔
ڈاکو کے تشدد کے بعد خاتون کلائی سے چوڑیاں اتار کر ملزم کے حوالے کردیتی ہیں، فوٹیج میں ایک ڈاکو کو کیپ لگائے اور دوسرے کو ہیلمٹ سے چہرہ چھپائے دیکھا جاسکتا ہے۔
