تھائی لینڈ میں سکیورٹی چیک پوسٹ پر حملے میں 15 دفاعی رضاکار ہلاک ہوگئے۔

غیر ملکی میڈیا کے مطابق   حملہ آوروں نے ان رضاکاروں  پر تھائی لینڈ کے علاقے میں یالا میں بھاری ہتھیاروں سے حملہ کیا ، حملے میں  بارہ اہلکار موقعے پر ہی ہلاک ہوگئے جبکہ تین زخمی اسپتال میں زخموں کی تاب نہ لاتے ہوئے دم توڑ گئے۔

رپورٹس کے مطابق حملہ آوروں نے کارروائی کے بعد جائے وقوعہ کی جانب جانیوالے داخلی راستوں پر بھی کیلیں بچھادیں جس سے ان اہلکاروں تک امدادی ٹیمیں کو بھی پہنچنے میں دیر لگی۔

گزشتہ کچھ عرصے میں تھائی لینڈ میں علیحدگی پسندوں کی کارروائی میں اضافہ ہوا ہے ، حالیہ کارروائی کو تھائی حکام سال کا سب سے بڑا واقعہ قرار دے رہے ہیں۔

حکام نے اس کارروائی میں علیحدگی پسندوں کے ملوث ہونے کا امکان ظاہر کیا ہے تاہم ابھی تک کسی گروپ نے اس کارروائی کی ذمے داری قبول نہیں کی ہے۔