اسلام آباد: پشاور موڑ دھرنا جتنا پُرامن اتنا ہی ایڈوانس بھی ہے، شرکاء نے جلسہ گاہ کو سولر بستی میں بدل ڈالا۔ سولر سے موبائل چارجنگ کی جانے لگی، انٹرنیٹ کی بندش کا بھی حل نکال لیا۔
موبائل فون کو دورہ حاضرکا جدید ہتھیار کہا جائے غلط نہ ہوگا، انٹرنیٹ کی سہولت میسر آنے پر یہی موبائل دور تک مارکرنے کی صلاحیت سے لیس ہوجاتا ہے۔
آزادی مارچ کے شرکاء بھی اس ہتھیار کے استعمال سے نہ صرف باخوبی واقف ہیں بلکہ اسےاپنی میڈٰیا مہم کیلئے بھی استعمال کرتے ہیں، انٹرنیٹ کی بندش کے باوجود پنڈال میں موبائل کا استعال جاری ہے۔
موبائل کی چارجنگ کے مسئلے کے حل کیلئے سولر سسٹم نصب کردیا گیا ہے، دھرنے سے متعلق باخبر رہنا ہو یا پھر پنڈال کے حالات کی خبر گیری اپنوں کو دینی ہے، شرکاء کو اب بیٹری چارجنگ کے مسائل درپیش نہیں۔ سولرپینل کے ایک بورڈ سے درجنوں موبائل چارج کیے جا رہے ہیں۔
