پاکستان کی معروف اداکارہ نیلم منیر نے اپنے انسٹاگرام کے ذریعے مولانا فضل الرحمان کے وزیراعظم سے متعلق بیان پر ناراضگی کا اظہار کردیا۔
انہوں نے پاکستانی پرچم تھامے ایک تصویر شیئر کرتے ہوئے اس میں کیپشن درج کی کہ 'میں تمام مذہبی اسکالرز کی دل کی گہرائی سے عزت کرتی ہوں، میں روزانہ کی بنیاد پر ان کے خطاب اور لیکچرز کو سن کر رہنمائی حاصل کرتی ہوں، آج مولانا صاحب کی عمران خان کو ان کے گھر سے گرفتار کرنے کی دھمکی نے میرا دل توڑ دیا ہے'۔
انہوں نے مزید لکھا کہ 'ہمارا ملک آمرانہ نظام اور سول نافرمانی برداشت نہیں کرسکتا، ہم نوجوانوں کو اپنی منزل سنبھالنے کی ضرورت ہے اور اس کا واحد راستہ یہی ہے کہ جو کوئی پاکستان میں انتشار پھیلا رہا ہے اس کی بات کوئی نہ سنے'۔
اداکارہ نے مزید کہا کہ 'ہم نوجوانوں کو ان تمام کے خلاف متحد ہونا پڑے گا جو کوئی بھی ہمارے پیارے ملک کو نقصان پہنچانے کی کوشش کر رہے ہیں'۔
