پاکستانی اداکارہ نیلم منیر کو حال ہی میں 'آئٹم سانگ' پر پرفارم کرنے کی وجہ سے سخت تنقید کا سامنا کرنا پڑا تھا جس پر انہوں نے وضاحت کرتے ہوئے کہا تھا کہ میں نے 'آئٹم سانگ' صرف اس لئے کیا کیونکہ یہ آئی ایس پی آر کا پروجیکٹ ہے'۔
انہوں نے کہا تھا کہ 'شاید یہ میری زندگی کا پہلا اور آخری آئٹم سانگ ہے لیکن آپ سب یہ جانتے ہیں کہ میں جو کرتی ہوں اس کی ذمہ داری لیتی ہوں اور مجھے اس پر فخر ہے'۔
ٹوئٹر پر ایک صارف نے اس پوسٹ کے اسکرین شاٹس لگائے اور میجر جنرل آصف غفور کو مینشن کرتے ہوئے لکھا کہ 'سر اگر یہ سچ ہے تو دل خون کے آنسو روتا ہے یہ ستم ظریفی دیکھ کر'۔
سر اگر یہ سچ ھے تو دل خون کے آنسو روتاھے یہ ستم ظریفی دیکھ کر 😢😢😢💔💔💔💔💔 pic.twitter.com/H8QsWpe2Mh
— Kashmiri (@NoTension18) October 28, 2019
میجر جنرل آصف غفور اس ٹویٹ کا جواب اپنے ذاتی اکاؤنٹ سے دیتے ہوئے لکھا کہ 'پہلی تصویر: یہ آئٹم سانگ فلم میں کردار کے مطابق ایک بھارتی لڑکی نے کیا، جس کے سیاق و سباق جاننے کیلئے آپ فلم بھی دیکھ سکتے ہیں'۔
Pic 1. The item song is by an indian girl in the movie as per her role, you may watch movie to know the context.
Pic 2. It is neither at GHQ (GHQ is at Rwp not Islamabad) nor of an event organised for ISPR as such.— Asif Ghafoor (@peaceforchange) October 28, 2019
انہوں نے اپنی ٹویٹ میں مزید لکھا کہ 'دوسری تصویر: یہ جی ایچ کیو نہیں ہے (جی ایچ کیو راولپنڈی میں ہے اسلام آباد میں نہیں) اور ایسا کوئی ایونٹ آئی ایس پی آر کے لئے منعقد نہیں کیا گیا'۔
