اکثر لوگوں نے دیکھا ہوگا کہ دبئی کی سڑکوں پر ایک نامعلوم فلیٹ ڈیوائس چپکی ہوئی ہے جو ایک روز نظر آتی ہے، مگر اگلے دِن یہ اُس جگہ پر موجود نہیں ہوتی۔

آخریہ ڈیوائس کیا ہے اور کیا کام کرتی ہے؟ یہ سوال یقیناً کئی لوگوں کو پریشان کرتا ہو گا۔

خلیج ٹائمز کے مطابق ایسا ہی ایک سوال احمد ظہیر نامی ایک شخص نے دبئی کی روڈز اینڈ ٹرانسپورٹ اتھارٹی RTA کے ٹویٹر اکاؤنٹ پر بھی پُوچھا۔

اس صارف نے ایک سڑک پر چپکی ڈیوائس کی ویڈیو بنا کر اتھارٹی کے ٹویٹراکاؤنٹ پر پوسٹ کر کے دریافت کیا کہ آخر یہ نامعلوم ڈیوائس ہے کیا؟

@rta_dubai what are these on the ground? #dubai pic.twitter.com/TLXzMctNcn

— Ahmed Zahir (@LilB_Twit) October 28, 2019

جس کے جواب میں روڈز اتھارٹی نے اس ڈیوائس کے فنکشن اور دیگر تفصیلات کے حوالے سے ٹویٹر اکاؤنٹ پر آگاہ کیا۔

جواب میں لکھا گیا کہ اتھارٹی سے رابطہ کرنے کا بہت بہت شکریہ۔ یہ دراصل ایک ٹریفک کاؤنٹنگ ڈیوائس ہے جو ٹریفک سے متعلق معلومات اکٹھی کرتی ہیں جن میں سڑک پر سے گزرنے والی گاڑیوں کی تعداد، اُن کی رفتار اور گاڑیوں کا درمیانی فاصلہ جیسی اہم معلومات شامل ہیں۔ اس سے اتھارٹی کو کسی خاص مقام پر ٹریفک کا تجزیہ کرنے میں مدد مِلتی ہے۔

Thanks for contacting us. Please note that this is a "Traffic counting device" that is used for collecting traffic information (counts, speed and Gaps) in order to analyse the junction of the location.

— RTA (@rta_dubai) October 28, 2019

اس ڈیوائس کے متعلق وضاحت پر صارفین نے اتھارٹی کا شُکریہ ادا کرتے ہوئے کہا کہ اس انجانی ڈیوائس نے لوگوں کو چکرا کر رکھ دیا تھا، تاہم اس کے بارے میں علم ہونا بہت مفید ہے۔ یقیناً یہ دُبئی میں ٹریفک کے نظام کو مزید بہتر بنانے میں مؤثر کردار ادا کرے گی۔