پاکستان کے عالمی شہرت یافتہ گلوکار و اداکار علی ظفر کی اپنی 12 سالہ کمسن مداح عروج فاطمہ کے ہمراہ گائے گئے 'لیلا او لیلا' گانے کی ویڈیو جاری کردی گئی۔
دو روز قبل علی ظفر نے اپنے انسٹاگرام اکاؤنٹ کے ذریعے اس کمسن گلوکارہ کو متعارف کروایا تھا۔ علی ظفر نے بتایا تھا کہ عروج کا تعلق بلوچستان سے ہے اور اس باصلاحیت کمسن گلوکارہ نے ان کے ساتھ بلوچی لوک میوزک 'لیلا او لیلا' گایا ہے۔
انہوں نے یہ بھی لکھا تھا کہ اسٹوڈیو کی پہلی انٹری میں ہی عروج نے کمال کر دیا۔
آج جب اس گانے کی ویڈیو جاری کی گئی تو تب بھی علی ظفر نے ایک ٹویٹ کرتے ہوئے لکھا کہ 'آج نوجوان گلوکارہ ڈیبیو کرنے جارہی ہے، 12 سالہ عروج کا تعلق خوبصورت خطے بلوچستان سے ہے، اس ویڈیو کو دیکھ کر آپ جان جائیں گے کہ خواہ لڑکا ہو یا لڑکی آپ کو اپنے دل اور خوابوں کی بات کیوں ماننی چاہیئے۔
Today marks the debut of a very talented young singer. The 12 year old @UroojFatima88 from the beautiful Balochistan. Watch this to understand that boy or girl, why you should always follow your heart and dreams ❤️. #LailaOLaila #bts #Lightingalestudios #Balochistan #Folk pic.twitter.com/anZ8dsG4ET
— Ali Zafar (@AliZafarsays) October 11, 2019
یوٹیوب پر جاری ہونے والی اس ویڈیو کو اب تک تقریباً ساڑھے 16 ہزار افراد دیکھ چکے ہیں اور اسے کوب پسند بھی کیا جارہا ہے۔ اس گانے کی ویڈیو 2 منٹ 53 سیکنڈز پر مشتمل ہے۔
