اسلام آباد: وفاقی کابینہ میں ردوبدل اور وزراء کے قلمدان کی تبدیلیوں کی خبروں پر حکومت کا ردِعمل سامنے آ گیا۔ وزیراعظم عمران خان کے معاون خصوصی برائے سیاسی امور نعیم الحق نے وفاقی کابینہ میں تبدیلی کی خبروں کو مسترد کر دیا ہے۔

 وزیراعظم کے معاون خصوصی برائے سیاسی امور نعیم الحق نے سماجی رابطے کی ویب سائٹ پر ٹویٹ کرتے ہوئے کہا ہے کہ وزیراعظم عمران خان سے ملاقات کے بعد تصدیق کرسکتا ہوں کہ کابینہ میں تبدیلی کے حوالے سے سوشل میڈیا پر گردش کرنے والی فہرست مکمل غلط ہے اور اس میں کوئی صداقت نہیں۔

نعیم الحق نے کہا کہ ہمارے مخالفین پارٹی میں دھڑے بندی کے لیے مسلسل غلط پیغامات پھیلا رہے ہیں لیکن ایسا کچھ نہیں ہونے والا ہے۔

After meeting the PM just now I can confirm that a list of cabinet changes being circulated on SM is totally false and there is no truth in it. Our adversaries continue to indulge in fake messages to create divisions in the party. But that is not going to happen.

— Naeem ul Haque (@naeemul_haque) October 2, 2019

واضح رہے کہ گزشتہ دنوں یہ خبریں گردش کررہی تھیں کہ وزیراعظم نے بری کارکردگی دکھانے والے وزراء کو تبدیل کرنے کا فیصلہ کرلیا ہے۔