پاکستان کے مایہ ناز اداکار احمد علی اکبر امریکا میں ساؤتھ ایشین فلم فیسٹیول کے دوران فلم 'لال کبوتر' میں شاندار اداکاری کا مظاہرہ کرنے پر بہترین اداکار کا ایوارڈ لے اُڑے۔
علی احمد اکبر نے یہ بات اپنے انسٹاگرام اکاؤنٹ کے ذریعے مداحوں سے شیئر کرتے ہوئے بتایا کہ واشنگٹن ڈی سی میں انہیں فلم 'لال کبوتر' کیلئے بہترین اداکار کے ایوارڈ سے نوازا گیا ہے۔
واضح رہے کہ یہ فلم رواں برس 22 مارچ کو ریلیز کی گئی تھی جس کی کہانی شہرِ قائد کے گرد گھومتی ہے۔ اس فلم میں علی اکبر کے ہمراہ اداکارہ منشا پاشا نے مرکزی کردار ادا کیا تھا۔
