انٹرنیشنل کرکٹ کونسل (آئی سی سی) کی جانب سے آج ٹی ٹوئنٹی کے گیند بازوں کی رینکنگ جاری کی گئی ہے جس پر قومی کرکٹر فہیم اشرف اور شاداب خان کے درمیان دلچسپ ٹویٹس کا تبادلہ ہوا۔
آئی سی سی کی جانب سے جاری کردہ اس رینکنگ میں 3 پاکستانی گیند باز آل راؤنڈر عماد وسیم دوسرے، شاداب خان تیسرے اور فہیم اشرف دسویں نمبر پر موجود ہیں۔
فہیم اشرف ناقص کارکردگی کے باعث ورلڈکپ سے قبل ٹیم سے باہر ہوگئے تھے تاہم انہوں نے آئی سی سی کی اس ٹویٹ کو ری ٹویٹ کرتے ہوئے شاداب خان کو مینشن کیا اور پنجابی میں لکھا کہ 'شاداب خان بھائی میں تیرے پیچھے آرہا ہوں، بچ جا ذرا میری فارم لگی ہوئی ہے۔ بہت تیز گیندیں ہورہی ہیں آج کل تیرے بھائی کی'۔
In top 10 of T20I bowling.@76Shadabkhan veeray main aaariya wa tere pichay bach ja zara meri form lagi hui ai veeray😉
Boti tez gaindan ho riyan ne aaj kal tere veer diyan 🔥#beware https://t.co/vYKIbqXbXH
— Faheem Ashraf (@iFaheemAshraf) September 25, 2019
شاداب خان نے بھی فہیم اشرف کی اس ٹویٹ کا جواب پنجابی میں دیتے ہوئے لکھا کہ 'کوئی بات نہیں بھائی میری گوگلی بھی جگہ پر گر رہی ہے، نمبر ون پر نظر ہے میری، ابھی بڑا دور ہے میرا بھائی محنت کر محنت'۔
Koi nai veer ji apni b googly gir rai hai jaga pe :) 1 number pe nazar hai apni :) abhi bara door hai mera bhai mehnat kar mehnat 😂😂😂 https://t.co/JpAIY2GeqH
— Shadab Khan (@76Shadabkhan) September 25, 2019
واضح رہے کہ سری لنکا کیخلاف سیریز کیلئے اعلان کردہ ون ڈے ٹیم میں فہیم اشرف کا نام شامل نہیں ہے تاہم ٹی ٹوئنٹی سیریز کیلئے ٹیم کا اعلان بعد میں کیا جائے گا، اب دیکھنا یہ ہے کہ فہیم اشرف ٹیم میں جگہ بنا پاتے ہیں یا نہیں۔
