امریکی صدر ڈونلڈ ٹرمپ نے ایران کی جانب سے سعودی آئل تنصیبات پر حملے میں ملوث نہ ہونے کے دعوے پر سوالات اٹھادیئے۔ ایران نے تردید کی تھی کہ وہ سعودی آئل تنصیبات پر حملے میں ملوث ہے ، تاہم حوثی باغیوں نے ان حملوں کی ذمے داری قبول کی تھی۔

ان سعودی تنصیبات پر حملوں کے نتیجے میں مبینہ طور پر دنیا بھر میں پانچ فیصد آئل سپلائی متاثر ہوئی ہے۔

اب امریکی صدر ڈونلڈ ٹرمپ نے ایرانی تردید پر سوالات اٹھائے ہیں اور کہا ہے کہ پہلے ایران نے امریکی ڈرون کو نشانہ بنایا اور دعویٰ کیا کہ اس ڈرون نے فضائی حدود کی خلاف ورزی کی تھی ۔ ٹرمپ نے مزید کہا کہ یہ ڈرون ایرانی فضائی حدود کے نزدیک بھی نہیں تھا۔ انہوں نے ایرانی دعوے کو ایک بڑا جھوٹ قرار دیا ۔

ٹرمپ نے مزید کہا کہ اب ایران کہہ رہا ہے اسکا آئل تنصیبات پر حملے سے کوئی تعلق نہیں ہے ، تاہم اب ہم ایران کو دیکھ لیں گے۔

واضح رہے کہ سعودی آئل تنصیبات پر حملے کےبعد مشرق وسطی میں تناو میں اضافہ ہوگیا ہے اور اسکے نتیجے میں تیل کی پیداوار میں پانچ اعشاریہ سات ملین بیرل میں کمی واقع ہوئی ہے۔

Remember when Iran shot down a drone, saying knowingly that it was in their “airspace” when, in fact, it was nowhere close. They stuck strongly to that story knowing that it was a very big lie. Now they say that they had nothing to do with the attack on Saudi Arabia. We’ll see?

— Donald J. Trump (@realDonaldTrump) September 16, 2019